|
|
10.01.2006 08:33:41 / Gerða
Jökkkkkk hvað ég HATA íslenskt veðurfar !!! Þegar ég fór
í vinnuna í morgun var rigning og rok, allt í lagi að díla við það
svosem, en þegar ég var búin, næstum 13 tímum síðar var snjó ógeð
útum allt, snjóstormur í gangi og í þessum fjandans bíl sem við
erum með í láni var EKKERT til að skafa af rúðufjandanum !!
Og ekki nóg með það, heldur lá stormurinn þannig á bílinn að
hurðinn bílstjóramegin var frosin föst !! Ég mátti gjöra svo
vel að klöngrast inn farþegamegin og skakklappast einhvern vegin á
milli sætana. Ég þakka pent fyrir að vera ekki komin með
stærri bumbu ! Sat þarna í góðan tíma með miðstöðina í botni,
hef örugglega eyðilaggt rúðuþurrkurnar á því að gá hvort þetta
hvíta drasl færi af rúðunni (sem það gerði ekki því það var frost í
því líka) og gramsaði útúm allan bíl að gá að EINHVERJU til að
skafa rúðuna með. Fann á endanum hulstrið utan af
geislaspilaranum og notaði það. Það þarf ekki að taka það
fram að ég var EKKI klædd fyrir þetta, skítkalt á löppunum og
freðin á puttunum !
Ef þetta verður svona á morgun líka þá stel ég mér tímabundið
Esso kraftgalla......þeir klikka varla í svona 
Nenni ekki meir......vinna á morgun.......og svo 2ja daga frí,
vúhú !!
Yfir&út !!
»
07.01.2006 13:03:02 / Gerða
Þið segið allt þetta !
Ég fór á Akurueyri á fimmtudaginn, skrapp í sónar og svona
Krílið stækkar og dafnar vel  Ótrúlegt að sjá
muninn á sónarmyndunum sem eru teknar með 4 vikna millibili, hefur
stækkað um 40 mm !! Það er nú bara slatti Keypti mér líka nýjan skanna, hinn var farinn að vera með
stæla þannig að honum var bara skipt út Hitti Lenu mína
líka alveg óvænt, þannig að ég fæ ekki skammir fyrir að vera ekki í
bandi þessa ferðina
Gærdagurinn fór bara í leti.........og að rífa jólin
niður. Matthías var ekki pent sáttur við það, hann vill sko
hafa jólin áfram ! Gengur hérna um með jólasveinahúfu í
mótmælaskyni hehehe Svo fengum við hringingu frá Önnu Kr.
seinnipartinn í gær, með penni ósk um að Þorsteini yrði pakkað
saman og sendur til hennar......eða þ.e.a.s. Óskars..........honum
leiddist eitthvað og vildi fá Þorstein yfir í gistingu og alles
Þorsteinn varð svooooo spenntur, þetta er í annað sinn sem
hann gistir hjá vini sínum ! Hann hringdi nú í gærkvöldi,
hélt ég hefði gleymt að koma með sængina hans (sem hann þurfti ekki
að hafa meðferðis) og sagði mér hvað þeir hefðu fengið að
borða........"við fengum sko pizzu og svona kók í glerflösku
!" Það var víst ekkert lítið sport hehehe
Svo þegar ég hringdi áðan að athuga með hann þá fékk ég bara
þau skilaboð að þeir félagarnir ásamt pabba Óskars væru sko að fara
að reka hross eða eitthvað svoleiðis........væri í einhverju
hrossastússi og honum yrði skilað einhvern tímann Ferlega
gaman að því
Hafið það gott elskurnar...........yfir & út
!
»
04.01.2006 22:28:22 / Gerða
Bloggið mitt er komið í lag  Ég ætla nú samt að
halda áfram að blogga á nýja staðnum, http://gerda.blogdrive.com/ ,
en held áfram með þetta eitthvað líka.......bara til að hún Anna
Kr. mín hafi nú eitthvað að lesa í vinnunni, það er nefnilega ekki
hægt að skoða síður af erlendum serverum þar :/
Náði að lumbra hressilega á þvottaskrímslinu í gær, bara smá
eftir Náði líka að horfa á 2 af þeim 3 myndum sem ég tók
mér á gamlársdag og gleymdi að skila............2svar !!
Vinna í dag og fyrsta mæðraskoðunin Setti allt um
hana á bumbusíðuna, þannig að þið sem viljið skoða og vitið hvert á
að fara, gjössovel, þið hin verðið bara að emaila mér og ég segi
ykkur hvar
Sjáumst síðar......................adjö !
»
01.01.2006 15:14:48 / Gerða
Góðan dag og gleðilegt ár allir saman
Við höfðum það fínt í gærkvöldi, Solla og Smári
Þór komu í mat og Smári gisti svo hjá okkur þar sem mamma hans fór
á skrall Vorum með hamborgarhrygg og léttreyktann
lambahrygg líka, meiriháttar Nutum frábærrar flugeldasýningar útum gluggan hjá
okkur, sýningin var á túninu fyrir framan húsið Laugi fór
svo og skaut upp með krökkunum einhverju smá, og svo restinni um
miðnættið. Þá var Matthías sofnaður, á venjulegum degi þegar
við erum að berjast við að hann sofni eftir leikskólann, skal hann
alltaf sofna............en í gær þega það var allt í lagi þótt hann
sofnaði, þá vakti hann allan daginn og var svo útkeyrður um kvöldið
! Horfðum á fréttaannálana......og skaupið sem gjörsamlega
floppaði að okkar mati. Einu skiptin sem ég glotti útí annað
var þegar Laddi var á skjánum. S.s. við urðum fyrir
miklum vonbrigðum með þetta skaup.
Ég ætlaði í gær að setja niður minn annál
fyrir árið, en það varð ekkert af því, ég var að vinna í gær og
bara nennti því ekki þegar ég kom heim. Fljótt á litið er
þetta það helsta sem gerðist hjá okkur á nýliðnu ári:
Í byrjun sl. árs var Laugi í námi og ég var að
vinna í Nóatúni í Grafarholti. Við komumst að því í byrjun
febrúar að við ættum von á barni, sem við svo misstum skömmu síðar
 Ég fór í mína árlegu sumarbústaðarferð með Lindu
og Lindu Kristínu í mars og í þeirri ferð hrundi vélin í Sonötunni
okkar. Og eitthvað fleira í framhaldinu..........og allt
eftir að við kláruðum að borga hana !
Laugi stóð sig mjög vel í prófunum á vorönninni,
rétt eins og krakkarnir sem brilleruðu í skólanum Ég
skrapp til Eyja í maí, skömmu eftir að ég varð þrítug Svo fórum við í gott sumarfrí, fórum norður og
höfðum það mjög gott. Í þeirri ferð kviknaði sú hugmynd að
það gæti verið ofsalega gaman og gott fyrir okkur ef við myndum
flytja....................sem við og svo gerðum í ágúst.
Okkur líður ofsalega vel hérna og krökkunum líður vel líka, gengur
vel í skólanum, og Matthías fór á leikskóla í fyrsta sinn og gengur
mjög vel. Kristófer Ingi stundar fótboltaæfingar með skólanum
og Sunna Dís og Þorsteinn Vestmann eru í íþróttaskóla líka Ég fékk mjög góða vinnu sem mér líður ofsalega
vel í, er að vinna með frábæru fólki Í október keyptum við okkur nýjan (2003) bíl, 7
manna Kia Carnival, LOKSINS komin á stórann bíl Gamla
Sonatan fór í niðurrif. Í nóvemberlok sá loksins fyrir endann á
forræðismálinu sem við vorum búin að standa í á
árinu............það náðist loksins sátt sem ég vona að allir séu
sáttir við, það hefur gengið mjög vel eftir það, og ég vona svo
sannarlega að það verði þannig áfram Svo höfðum við það bara gott í desember, eins og
þið hafið væntanlega verið að lesa undanfarið, nenni ekki að rifja
það upp
En allt þetta hefði ekki verið hægt nema fyrir
hjálp með fullt fullt af fólki og vil ég hér með þakka kærlega
fyrir okkur, þið vitið öll hver þið eruð
Þá er þetta komið held ég bara................þar
til næst............bæjó
»
29.12.2005 22:41:46 / Gerða
Jæja gott fólk.........
Ekki mikið að frétta svosem, er búin að vera lasin undanfarna
daga, með ógeðslega kvefpest og illt í maganum Hef samt farið og gert uppgjörin og svona uppí Skála þar sem
Anna Kr. og co skruppu vestur um áramótin
Sunna og Kristó komu heim í gær, æðislegt að fá þau heim aftur
Það var farið beint í að rífa upp pakkana sem biðu þeirra,
og þau voru ofsalega ánægð með þetta allt saman. Ég held samt
að það hafi staðið uppúr hjá öllum krökkunum Play Station II tölvan
sem þau fengu frá okkur, ásamt leikjum Matthías fékk DVD
Kids, þannig að núna á HANN tölvu eins og hinir
Ég er búin að lesa 3 af þeim 5 bókum sem við hjónin fengum í
jólagjöf, alveg meirháttar allar saman
Vetrarborgin eftir Arnald Indriðason
Tími Nornarinnar eftir Árna Þórarinsson og
Tími minn er nóttin eftir Mary Higgins Clark.
Og svo pöntuðu Halla og Lena far í gærkvöldi til LONDON
!! Það er jólagjöfin til mín frá mínum ektamaka Við
förum allar saman ásamt fleirum í mars, hlakka ekkert lítið til sko
Ætla að láta þetta duga í bili..............þar til
næst.........bæjó !!
»
26.12.2005 21:43:06 / Gerða
Gott kvöld
Jæja, aðfangadagur rann sitt skeið eins ljúflega og hægt
var. Borðuðum góðan mat og og höfðum það gott
Pakkaflóðið var fljótt að hverfa........strákunum gekk mjög vel að
opna og skoða og allt það Við fengum margar góðar gjafir
og vil ég hér með þakka fyrir okkur
Á jóladag fórum við yfir fjallið í jólakaffi til Oddu og
Gústa, það var líka mjög ljúft
Svo var ég að vinna í dag, stuttur dagur samt...........og svo
vinna á morgun líka
Sjáumst síðar..............búið í bili !
»
24.12.2005 15:53:53 / Gerða
Jæja elskurnar, þá er þetta alveg að bresta á
Við fórum í morgun uppá Mýrar í möndlugraut,
alveg meiriháttar gaman Svo komum við heim og kláruðum smá frágang, og
svo kíktu jólasveinar í heimsókn með pakka handa strákunum, sem
þeir (og við) nutum góðs af.......DVD myndir sem hentuðu mjög vel
svona til að stytta tímann
Ég braut gamla venju, opnaði öll jólakortin
áðan og hengdi þau á 2 snúrur með pínulitlum klemmum, alveg
æðislegt
Núna er jólabað í gangi hjá drengjunum, steikin
mallar og jólin geta komið
Ég vil óska ykkur öllum
gleðilegra jóla, megi allir góðir vættir passa uppá ykkur og hafiði
það sem allra best
Jólakveðja
Gerða og co.
»
24.12.2005 01:16:47 / Gerða
Jæja börnin góð..........núna er þetta alveg að
skella á Ég og Þorsteinn fórum í Skálann í hádeginu í
skötu........og þegar kom til þá vildi Þorsteinn ekki einu sinni
smakka, lyktin fór eitthvað í hann Ég gat komið niður
nokkrum bitum og síðan ekki meir, hún var svo svakalega kæst
Ég og strákarnir fórum í kvöld í aðra
skötuveislu, norður á Krók hjá Bjössa og Siddý. Ofsalega
gaman, góð skatan og meira að segja Matthíasi fannst hún góð
Núna er komin ró á alla..........bóndinn skriðinn
í bælið, og strákarnir sofnaðir fyrir löngu síðan. Þeim tókst
þó að skreyta jólatréð áður...........og það þarfnast lagfæringar
hehehe En við ætlum í það í fyrramálið........alltof
þreytt núna.
Þessi skrítni kall er sá síðasti sem kemur til
byggða þetta árið og gefur í skóinn
Þrettándi var Kertasníkir,
-þá var tíðin köld,
ef ekki kom hann síðastur
á aðfangadagskvöld.
Hann elti litlu börnin,
sem brostu glöð og fín,
og trítluðu um bæinn
með tólgarkertin sín.
»
22.12.2005 23:42:20 / Gerða
Fórum á Akureyri í dag, eyddum fullt af pening,
eyddum of miklum tíma.......vorum lengur en til stóð. Held að
ástæðan hafi verið að við vissum ekkert hvað við áttum að gefa
krökkunum.......endalaus tími sem fór í það að finna
eitthvað.
Jólin alveg að koma...............þessi sveinki
kemur í nótt:
Ketkrókur, sá tólfti,
kunni á ýmsu lag.-
Hann þrammaði í sveitina
á Þorláksmessudag.
Hann krækti sér í tutlu,
þegar kostur var á.
En stundum reyndist stuttur
stauturinn hans
þá.
»
21.12.2005 23:44:59 / Gerða
Þannig að ég græddi auka dag í jólaundirbúning, kom pökkum á
póst, og kortum.......bjó til fleiri jólagjafir og gekk frá
þeim. Þannig að núna er sáralítið eftir, við skötuhjúin förum
á morgun í loka verslunarleiðangur á Akureyri (aftur takk til Önnu,
ég á að vera að vinna á morgun  )
Jólin koma...........jólin koma..............og þessi sveinki
kemur til stilltra krakka í nótt
Ellefti var Gáttaþefur
-aldrei fékk sá kvef,
og hafði þó svo hlálegt
og heljarstórt nef.
Hann ilm af laufabrauði
upp á heiðar fann,
og léttur, eins og reykur,
á lyktina rann.
»
20.12.2005 20:37:14 / Gerða
Dagurinn byrjaði á morgunkaffi á Mýrum, þar var
glatt á hjalla eins og venja er í svona "morgunköffum" þar Ég og Halla fórum svo á Hvammstanga í
fótsnyrtingu.........þvílíkt þæginlegt Kom svo heim og fékk hjálp frá Lauga við að klára
að pakka jólagjöfum niður og svona, pakkarnir í Garðinn og til Eyja
komust víst ekki í póst í dag, en eru tilbúnir til póstsendingar
strax í fyrramálið.
Annars er ég í voðalega litlum fíling fyrir
jólin...........finnst þau verða andstyggilega stutt eitthvað
Hann hlýtur þó að láta sjá
sig................fílingurinn þ.e.a.s.
Bless í bili....................
Tíundi var Gluggagægir,
grályndur mann,
sem laumaðist á skjáinn
og leit inn um hann.
Ef eitthvað var þar inni
álitlegt að sjá,
hann oftast nær seinna
í það reyndi að ná.
»
19.12.2005 22:17:19 / Gerða
Sælt veri fólkið
Er búin að afreka slatta í dag, klára jólagjafafrágang, pakka
þeim inn (með hjálp frá mínum elskulega eiginmanni), skrifað á
jólakort, farið með Kristófer í klippingu.......
Þannig að á morgun fer í póst héðan pakki til Eyja og annar í
Garðinn
Ætla að fara að sofa, var vakin alltof snemma í morgun
Þessi jóli kemur í nótt.............
Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.
Á eldhúsbita sat hann
í sóti og reyk
og át þar hangið bjúga,
sem engan sveik.
»
19.12.2005 00:21:16 / Gerða
Skyrjarmur, sá
áttundi,
var skelfilegt naut.
Hann hlemminn o’n af sánum
með hnefanum braut.
Svo hámaði hann í sig
og yfir matnum gein,
uns stóð hann á blístri
og stundi og hrein.
»
18.12.2005 01:16:20 / Gerða
Er að vinna um helgina, var að koma heim af
"litlu jólunum" í vinnunni, mikið gaman, mikið grín
Þessi jóli kemur í nótt:
Sjöundi var Hurðaskellir,
-sá var nokkuð klúr,
ef fólkið vildi í rökkrinu
fá sér vænan dúr.
Hann var ekki sérlega
hnugginn yfir því,
þó harkalega marraði
hjörunum í.
»
16.12.2005 23:01:56 / Gerða
Þessi kall kemur í nótt að gefa í
skóinn........
Sá sjötti Askasleikir,
var alveg dæmalaus.-
Hann fram undan rúmunum
rak sinn ljóta haus.
Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.
»
Síður: 1 2 3 ... 17
|
|